Religion and Culture
The Religion and Culture section safeguards spiritual heritage and promotes cultural values within the Dzongkhag. It supports religious institutions, organizes traditional events, and preserves sacred sites, ensuring that Mongar Dzongkhag unique identity and rich traditions continue to thrive for future generations.
ཆོས་དང་ལམ་སྲོལ།
༉ ང་བཅས་རའི་རྒྱལ་ཁབ་འདི་ ནང་པ་སངས་རྒྱས་པའི་ཆོས་དར་བའི་རྒྱལ་ཁབ་ཅིག་ཨིནམ་མ་ཚད་ རང་ལུགས་སྔར་སྲོལ་བཟང་པོ་ ཆོས་དང་མཐུན་པའི་ སྲོལ་བཟང་པོ་བཙུགས་ཡོད་མི་ཚུ་ མི་ཉམས་གོང་འཕེལ་དང་ཉམས་པ་སོར་ཆུད་འབད་ཐབས་ལུ་ རྫོང་ཁག་ནང་ཆོས་དང་ལམ་སྲོལ་སྡེ་ཚན་ཅིག་ གཞི་བཙུགས་འབད་ཡོདཔ་ཨིན།
རྫོང་ཁག་ནང་འཁོད་ལུ་ རང་ལུགས་སྔར་སྲོལ་བཟང་པོའི་ལམ་ལུགས་ཚུ་ ཉམས་མ་བཅུག་པར་རྒྱུན་སྐྱོང་འཐབ་ནིའི་དོན་ལུ་ དངོས་ཅན་གྱི་ལམ་སྲོལ་དང་ དངོས་མེད་ཀྱི་ལམ་སྲོལ་ཟེར་ གཉིས་ལུ་དབྱེ་སྟེ་ཡོདཔ་ཨིན། དངོས་ཅན་གྱི་ལམ་སྲོལ་ རྫོང་གཞི་ ལྷ་ཁང་ དགོན་སྡེ་ གནས་ མཆོད་རྟེན་མ་འདྲཝ་ཚུ་དང་ མ་ཎི་དུང་འཁོར་ ཆུ་བསྐོར་མ་ཎི་ཚུ་དང་། དངོས་མེད་ལམ་སྲོལ་ འཆམ་དང་གླུ་གཞས་ གཞུང་སྒྲ་དང་བོད་སྒྲ་ གཡུས་ཁའི་ཞབས་ཁྲ་ཚུ་དང་ གཞན་ཡང་གཙང་མོ་ སྲུང་ བློ་ཟེ་ལ་སོགས་པ་ཚུ་ ཚུདཔ་ཨིན། སྤྱིར་བཏང་མི་སྡེ་ནང་ལུ་ སྒྲིག་ལམ་རྣམ་གཞག་གི་ ཁྱད༌ཆོས༌མཐུན་མོང་མ་ཡིན་པའི་ སྲོལ་བཟང་པོ་ཚུ་ མི་ཉམས་པར་སྒྲིང་སྒྲིང་སྦེ་ གཞི་བཙུགས་འབད་དེ་ཡོདཔ་ཨིན།
དེ་མ་ཚད་ རྫོང་ཁག་ནང་འཁོད་ ལྷ་ཁང་མགོན་ཁང་ཚུ་ནང་ ནང་རྟེན་རྩ་ཆེ་ཏོག་ཏོ་ཡོད་མི་ཚུ་ བྱུང་བ་བཞིའི་དང་ ཨར་རྐུན་ལ་སོགས་པའི་རྐྱེན་ངན་ཚུ་ལས་སྲུང་ཐབས་དང་ གསར་བཞེངས་དང་ཉམས་བཅོས་ཀྱི་ འཆར་གཞི་གོང་འཕེལ་གྱི་ལས་རིམ་བརྩམས་ནི། དེ་ལས་ དུས་མཆོད་འབུམ་སྡེ་དང་ ཚེས་བཅུའི་འཆམ་དང་གླུ་གཞས་ སྔར་སྲོལ་བཟང་པོའི་ལམ་དང་ལུགས་སྲོལ་ཚུ་ ཉམས་མ་བཅུག་པར་རྒྱུན་སྐྱོང་འབད་དོཝ་ཡོདཔ་ཨིན། གཞན་ཡང་ རྫོང་ཁག་ཆོས་མཐུན་ཚོགས་པ་དང་ སྨོན་ལམ་ཆེན་མོ་ བཛྲ་གུ་རུ་དུང་སྒྲུབ་ དུས་དང་དུས་སུ་ སྐུ་རིམ་བསྒྲུབ་ནི་ཚུ་ འགོ་འདྲེན་འཐབ་དགོཔ་ཨིན། དེ་དང་གཅིག་ཁར་ རྫོང་ཁ་གོང་འཕེལ་ལྷན་ཚོགས་ཀྱི་ ངོ་ཚབ་འགོ་དཔོན་སྦེ་ རྒྱལ་ཡོངས་སྐད་ཡིག་རྫོང་ཁ་ ཡར་རྒྱས་དང་གོང་འཕེལ་གཏང་ཐབས་ཀྱི་ ལས་རིམ་དང་ལས་སྣ་ཚུ་ཡང་འགོ་འདྲེན་འཐབ་དགོཔ་ཨིན།
Downloads
Staff
Asst. Cultural Officer (Study Leave)
Tshering Phuntsho